25 urte ekintzailetza bultzatzen La Salle Berrozpen
La Salle Berrozpen 25 urte baino gehiago daramatzagu burmuin ekintzaileak hezten. Proiektu berritzaileen bidez, sormena, ekimena eta etorkizunerako gaitasun gakoen garapena sustatzen dugu.
Gure konpromisoa Ekintzailetzarekin
Enpresa bat sortzea baino gehiago da ekitea: pentsatzeko eta jarduteko modu bat da. La Salle Berrozpen, ikasleen autonomia, ekimena eta arazoei irtenbideak bilatzeko gaitasuna lantzen ditugu hasieratik. Gure helburua da etorkizuneko erronkei aurre egiteko prest egongo diren pertsona ekintzaileak heztea, edozein eremutan.
LSBekin: Ekintzailetza Kultura
La Salle Berrozpen, ekintzailetza konpetentzia garrantzitsu gisa lantzen dugu, DBHtik hasi eta Lanbide Heziketara arte. Ikasenpresa eta StartInnova bezalako programen bidez, gure ikasleek gaitasun ekintzaileak garatzen dituzte ingurune dinamiko eta kolaboratibo batean.
Urratsbat
Tknikak kudeatzen duen Urratsbat programaren bidez, LHko ikastetxeak enpresa-haztegi bihurtzen dira. Aholkularitza pertsonalizatua, formazio espezializatua eta kudeaketan laguntza eskainiz, ekintzaileei euren ideiak benetako negozio bihurtzen laguntzen diegu.
Programaren onurak:
- Lan-espazioa eta tutoretza pertsonalizatua
- Enpresa-plana sortzeko aholkularitza
- Finantzaketa bilatzeko laguntza