Adimen Artifiziala

2024–2025 ikasturtean garaiko teknologiarik aurreratuenetako batekin lan egin dugu: adimen artifiziala. Helburua izan da tailerreko sarreran kontrol-sistema automatizatu bat diseinatu eta ezartzea, langileek Derrigorrezko Babes Ekipamendua (DBE) —kaskoa, betaurrekoak, botak eta txalekoa— behar bezala erabiltzen dutela egiaztatzeko.

Ikusmen artifizialeko algoritmoei esker, sistemak denbora errealean detektatzen du irregulartasunik badagoen, eta hala bada, abisu akustiko eta bisualak aktibatzen ditu, eta arduradunari jakinarazten dio. Aurrerapen teknologiko horrek, segurtasuna hobetzeaz gain, ikasi eta ingurunera egokitzeko gaitasuna ere badu.

Proiektua Tknikarekin elkarlanean garatu da, eta Lanbide Heziketako hainbat ikastetxek parte hartu dute. Hainbat espezialitatetako jakintzak batu dira: elektronika, informatika, mantentze-lanak eta laneko arriskuen prebentzioa. Prozesu osoa modu etiko eta arduratsuan garatu da, beti ere datuen pribatutasuna eta indarrean dagoen araudia errespetatuz.

Esperientzia aberasgarria izan da: ikasi, lankidetzan aritu eta lan-ingurune seguruago eta adimentsuagoak eraikitzeko aukera eman digu.